شارك الإعلامي ومقدّم البرامج اللبناني وسام بريدي متابعيه عبر حسابه الرسمي على تطبيق “إنستغرام”، رسالة مؤثرة عبّر من خلالها عن مشاعره تجاه ابنته بمناسبة عيد ميلادها.
وقد نشر بريدي صورة تجمعه بابنته، وأرفقها بتعليق عاطفي كتب فيه:
“بنتي… شو حلوة هالكلمة. كلمة بتفتح جوّا قلبي دنيي ما إلها آخر. إنتِ مش بس بنتي، إنتِ قصتي ونبضي وأكبر هدية عطاني ياها ربّي”.
وتابع في رسالته قائلاً:
“يمكن اليوم بعدِك صغيرة وما بتفهمي معنى هالكلمات، بس رح تكبري، ورح ترجعي تقريها وتعرفي إنو في حدا بالدنيي كل يوم بيصلي ليشوفك سعيدة. رح كون السند اللي بيرفعك وقت تتعبي، الحضن اللي بيرجعلك الأمان، والصوت اللي بيذكرك قديش إنتِ قوية وغالية وفريدة”.
وأضاف بريدي:
“رح كون رفيقك اللي بيسمعك بلا حكم وبلا شروط، وحبّي لإلك ما إلو قياس… بيكبر معك ومع خطواتك. ويمكن يجي نهار تصيري أم وتفهمي وقتها شو يعني كلمة ’يا بنتي‘ وكيف هالكلمة بتغيّر الإنسان”.
وختم رسالته بوعدٍ مؤثر لابنته قائلاً:
“اليوم بعيد ميلادك، بوعدك إنو ضلّ دايمًا البي اللي بيحبك بلا شروط، والبي اللي بيوقف حدّك بكل لحظة. كل سنة وإنتِ الحلم الأجمل بحياتي يا أحلى بلوشي”.
وقد لاقت الرسالة تفاعلاً كبيراً من متابعي بريدي، الذين عبّروا عن إعجابهم بالمشاعر الصادقة التي عبّر عنها تجاه ابنته، وتمنّوا لها حياة مليئة بالحب والسعادة.
English